Каримзода Карим Мазиё

  
 Каримзода Карим Мазиё 28 марти соли 1962 дар ноҳияи Кӯлоб дар оилаи зиёӣ таваллуд шудааст. Соли 1969 ба синфи якуми мактаби миё­­наи №16 ноҳияи Москваи вилояти Кӯлоб (ҳоло н. Мир Саид Алии Ҳа­­мадонӣ) дохил шуда, онро соли 1979 бо мувваффақият хатм на­му­да­аст. 
 Соли 1984 Университети давлатии Тоҷикистон ба номи В.И. Ле­нин ва соли 2000 Ака­демияи дипломатии Вазорати корҳои хориҷии Фе­де­­ратсияи Руссияро хатм намудааст. Аз рӯи ихтисос ҳуқуқшинос ва му­та­хассис дар соҳаи муносибатҳои  байналмилалӣ мебошад.                                                                                        
 Аз моҳи апрели соли 1985 то соли 1998 дар вазифаи  устоди ка­фед­­­­раи фалсафаи  Институти давлатии омӯзгории Кӯлоб, му­фат­тиши ма­қо­моти тафтишотии Вазорати корҳои дохилии Ҷумҳурии Тоҷикистон, му­­та­хассиси Раёсати назоратӣ-тафтишотии Вазорати хоҷагии қишлоқи  Ҷум­ҳурии Тоҷикистон, муовини мудири шуъбаи ҳуқуқи дастгоҳи Маҷ­ли­си Олӣ, ёвари Раиси Маҷлиси Олӣ ва мушовири  калони Кумитаи Маҷ­­лиси Олӣ оид ба қонунгузорӣ ва ҳуқуқи инсон фаъолият намудааст.
 Аз моҳи сентябри соли 1998 то моҳи июли соли 2000 шу­навандаи Ака­демияи дипломатии Вазорати корҳои хориҷии  Фе­дератсияи Руссия  буд.
  Аз моҳи июли соли 2000 то моҳи июни соли 2008 дар ва­зифаи ко­тиби дуюми Раёсати ҳуқуқу шартномавии Вазорати корҳои хориҷӣ, му­овини мудири шуъбаи ҳуқуқи дастгоҳи Маҷлиси миллӣ ва мудири шуъ­баи таъминоти ҳуқуқии хизмати давлатии Раёсати хизмати давлатии наз­ди Президенти Ҷумҳурии Тоҷикистон кор кардааст.
 5 июни соли 2008 дар асоси пеш­ниҳоди Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон  аз тарафи Маҷлиси миллӣ судяи Суди конс­титутсионӣ ва 17 апрели соли 2015 муо­вини Раиси Суди конститутсионии Ҷум­ҳурии Тоҷикистон интихоб гар­дид.
 Каримзода К.М. ҳамчун ҳуқуқшинос ва олими варзида шинохта шу­дааст. Махсусан наќши ӯ дар рушду инкишофи соҳаи хизмати дав­ла­тии Ҷумҳурии Тоҷикистон ва рушду таҳкими конститутсионализм дар То­ҷикистон назаррас буда, муаллифи аввалин китобҳои дарсӣ, ри­со­лаҳои илмӣ ва дастуру мақолаҳои соҳаи хизмати давлатӣ мебошад ва соли 2008 дар мавзўи «Ислоҳоти хизмати давлатӣ дар қаринаи беҳ­дошти идоракунии давлатии Ҷумҳурии Тоҷикистон» рисолаи номзадӣ дифоъ намудааст. Айни ҳол дар мавзўи конститутсионализм машғули навиш­тани рисолаи докторӣ мебошад.
 Каримзода К.М. ба фаъолияти омўзгорӣ машғул шуда, солҳои да­роз ба толиб­илмон дар Донишкадаи ан­­­доз ва ҳуқуқ (ҳо­зира Дониш­кадаи молия ва  иқтисоди Тоҷи­кис­тон), Донишгоҳи слав­янии Тоҷи­кистону Рус­сия аз фанни ҳуқуқи конститутсионӣ ва ҳуќуќи дипломатӣ ва консулӣ; аз соли 2001 то соли 2008 дар Дониш­ка­даи так­мили их­тисоси хиз­матчиёни дав­латӣ, аз соли 2008 то соли 20­17 дар Мар­кази таъ­лимии суд­­яҳои Ҷум­ҳурии Тоҷикистон ба хизматчиёни дав­латӣ, судя­ҳо ва судя-коромўзон аз  фанҳои ҳуќуќи конститутсионӣ ва бай­нал­милалӣ дарс гуфтааст.
 Солҳои охир дар Фи­лиали Донишгоҳи давлатии Маскав ба номи М.В. Ломаносов дар шаҳри Душанбе аз фанни ҳуқуқи бай­нал­милалӣ дарс ме­гўяд. Аз ҷониби ў китобҳои «Современная государ­ст­вен­ная служ­ба Тад­жи­кистана, проблемы и тенденция раз­вития. Ду­шанбе, соли 2005, 128 саҳ., китоби дарсии «Хиз­мати давлатии Ҷумҳурии То­ҷи­кис­тон» ҷилди 1. Ду­шанбе, соли 2006, 496 саҳ., «Хиз­мати дав­латии Ҷумҳурии То­ҷи­кис­тон, моҳият ва принсипҳои ташкил». Ду­шанбе, соли 2006, 128 саҳ., дар ҳаммуаллифӣ бо дигар олимони мамлакат Фарҳанги истилоҳоти ҳу­қуқ. Нашри сеюм. (ҳаммуалиф) Ду­шанбе, «ЭР-граф». 2012, 612 саҳ ва ди­гарҳо навиш­та шудаанд.
 Дар маҷмўъ муаллифи зиёда аз 100 китоб, маќолаҳои илмӣ ва ил­мӣ-оммавӣ мебошад.
  Дар даҳҳо конференсияҳои байналмилалӣ оид ба масъа­лаҳои ин­кишофи конститутсионализм дар замони муосир ва рушду дур­намои ма­қомоти назорати конститутсионӣ дар шаҳри Душанбе, Ҷумҳурии Ар­ма­нистон, Ҷумҳурии Кореяи Ҷанубӣ, Ҷум­ҳурии Қазоқистон, дав­латҳои Польша, Фаронса, Италия, Ҷумҳурии Қир­ғизистон, Финландия  ва ди­гар­ҳо иш­тирок ва бо маърў­за­ҳои илмӣ баромад намудааст.
 Бо маќолаҳои сиёсӣ-оммавӣ ва ҳуқуқӣ пайваста дар мат­буоти дав­рӣ баромад намуда, дар тарбияи ахлоќию ва­тан­дўстӣ, худшиносиву худ­огоҳии Ҷавонони мамлакат ва ба­ланд бар­доштани маърифати ҳуќуќии шаҳрвандон саҳми худро ме­гузорад.
 Бо мукофотҳои давлатӣ ва соҳавӣ, аз ҷумла Аълочии фахрии мао­рифи Ҷумҳурии Тоҷикистон қадрдонӣ гардидааст. Бо фармонҳои Пре­зиденти Ҷумҳурии Тоҷикистон ба рут­баи дараҷавии «Мушовири дав­латии дараҷаи якум» (2007) ва дараҷаи тахасусии «Судяи да­раҷаи олии та­хас­сус» (2019) мушараф гардонида шудааст. Оиладор, соҳиби се фар­занд.
  Аз соли 1997 Аъзои Иттифоқи рӯзноманигорони Ҷумҳурии То­ҷи­кистон мебошад.