НАВРУЗ ДАР ИСТАРАВШАН

Бо мақсади иштирок дар чорабинии тантанавӣ бахшида ба таҷлили иди байналмилалии Наврўз ва ифтитоҳи як зумра объектҳои соҳаҳои иҷтимоию хизматрасонӣ, 19-22 марти соли ҷорӣ сафари кории Раиси Суди конститутсионӣ Ашурзода А. ва судяи Суди конститутсионӣ Ҳошимзода Д. ба шаҳри Истаравшан анҷом дода шуд. 

Аз ҷониби мардуми сарбаланди шаҳри Истаравшан ин ҷашни пур­шукўҳи умумимиллӣ бо ҳисси баланди ватандўстиву ифтихорӣ миллӣ ва шукргузории беандоза аз пойдо­рии сулҳу суботи комил ва сиёсати созан­даю бунёд­коро­наи Асосгу­зори сулҳу ваҳ­дати миллӣ – Пешвои миллат, Прези­денти Ҷумҳу­рии Тоҷи­кис­­тон, муҳта­рам Эмомалӣ Раҳмон дар фазои идона, шодиву сурур ва дасто­вард­ҳои хуби меҳнатӣ истиқбол карда шуд. 

Ба муносибати ин ҷашни умумимиллӣ дар кўчаву маҳаллаҳо шиору овезаҳо насб карда шу­да, чорабиниҳои фар­ҳан­гиву фароѓатӣ, мусобиқаҳои варзишӣ, намоиш­ҳои ҳунарҳои мардумӣ, маҳсулоти қаннодӣ, ярмаркаи фурўши маҳсулоти кишо­варзӣ ва дигар чорабиниҳо бо иштироки фаъоли аҳолии шаҳр доир гардиданд.    

Санаи 20 март дар варзишгоҳи марказии шаҳри Истаравшан чора­бинии бошукўҳи фарҳангӣ баргузор гардида, дар он паёми табри­котии Ҳуку­­­мати Ҷумҳурии Тоҷикис­тон ба мар­думи шаҳри Истаравшан ба муно­си­бати ҷашни ҷаҳонии Наврўзи Аҷам, фарорасии баҳори сарсабз ва эҳёи олами табиат қи­роат карда шуд. 

  Аз ҷумла, зимни баромад оид ба саҳми босазо ва хизматҳои бена­зирӣ Асосгузори сулҳу ваҳ­дати миллӣ – Пешвои мил­лат, Президенти Ҷумҳурии Тоҷикистон, муҳтарам Эмомалӣ Раҳмон дар хусуси ба иди ҷаҳонӣ мубад­дал гардонидани ҷашни фархундаи Наврўз, ки барои ривоҷи табо­дули фарҳангҳо, густариши ҳусни тафоҳуми байни миллатҳо ва таҳкими сулҳу суботи халқҳо нақши муассир дорад, инчунин дар таҳкими Истиқлолияти давлатӣ, пойдо­рии сулҳу субот ва ваҳдату ҳамдигар­фаҳмӣ, рушду нумуи давлат ва амали­шавии ҳадафҳои стратегӣ андешаронӣ карда шуд. 

Дар доираи чорабинии идона ҳамоиши бошукў­ҳи фарҳангии театрику­но­ни­дашуда ва барномаи идонаи кон­сертии ҷолиби диққат бо ишти­роки ҳунармандони Хонаи фар­ҳан­г баргузор шуда, инчунин намоиши варзишга­рони шаҳр пешкаши иштирокдорон гардонида шуд.  

Ба муносибати ҷашни Наврўзи байналмилалӣ аз номи Пешвои муаз­зами мил­лат ба дувоздаҳ нафар соби­қадарони меҳнат кўмаки молиявӣ ва ба маъюби гурўҳи якум Юсупова Г. аробачаи маъюбӣ ва маводи ѓизоӣ, аз қабили орд, равѓан, макарон, шакар ва ѓайра тақдим карда шуд.

Инчунин дар партави татбиқи дастуру ҳидоятҳои инсонпарварона ва ѓамхоронаи Пешвои муаз­зами миллат дар ду қисми низомӣ, чор дид­бонгоҳи сарҳадӣ, хонаи кўда­кон, хона барои пиронсолон ва мактаб интернат дастархони идона ороста шуда, намоян­дагони мақомоти иҷроияи ҳокимияти давлатии шаҳри Иста­рав­шан ва ҷамоатҳои шаҳраку деҳот ба аёдати иштирокчиёни Ҷанги Бузурги Ватанӣ рафта, ба онҳо маводи ѓизоӣ дастрас намуданд.

Дар кўчаву маҳаллаҳои аҳолинишини шаҳр ҳамчун идомаи расму оинҳои ниёгонамон ба муносибати ҷашни фар­хун­даи Наврўз, ки чун ҷашни зебоии табиат айёми зебоиву шукуфоӣ, хурсандиву шодмонӣ ва меҳру муҳаббат аст, аз таомҳои миллӣ дастурхони наврўзи ороста шуда, мардум дар атрофи деги суманак бо рақсу латифа­гўиҳои идона хурсандӣ карда, ѓояҳои инсонпарваро­наро ба ҳамдигар талқин намуданд.    

 Дар партави идомаи корҳои бунёдкорӣ бахшида ба ин ҷашни миллӣ дар фазои идона боз чор адад объектҳои соҳа­ҳои иҷти­моию хизматрасонӣ, аз ҷумла як толори бошукўҳи варзишӣ, маркази саломатӣ, дорухона ва ошхонаи парҳезӣ истифода дода шуда, дар онҳо ба сокинони маҳаллӣ  ҷойҳои кории доимӣ ташкил карда шуд. 

Ҳамзамон, бобати минбаъд вусъат бахшидан ба корҳои ободониву созандагӣ аз масъулини гурўҳи корӣ оид ба корҳои ободонӣ даъват ба амал оварда шуд, ки ҷиҳати иҷрои нақшаи чорабиниҳо дар ин самт ва дар муҳлати муқарраршуда ба итмом расонидани сохтмони объектҳои мухта­лиф тадбирҳои заруриро роҳандозӣ созанд. 

Дар маҷмўъ мардуми шаҳри Истаравшан иди байналмилалии Нав­рўзро бо як шукуҳу шаҳомати хосса, дар рўҳияи баланди созандагиву бунёд­корӣ ва ифтихори милливу пуштибонӣ аз сиёсати созандаи Пешвои муаззами миллат истиқ­бол намуданд.