Имрӯз дар Суди конститутсионии Ҷумҳурии Тоҷикистон бо ишти­ро­ки суд­яҳо ва кормандони дастгоҳи он ҳамоиш доир ба омӯзиши нуктаҳои асосии паёми Президенти Ҷумҳурии Тоҷикистон ба Маҷлиси Олии Ҷум­ҳурии Тоҷикистон “Дар бораи самтҳои асосии сиёсати дохилӣ ва хориҷии ҷум­ҳурӣ” аз 21 декабри соли 2021 баргузор гардид.

Маҷлисро муовини Раиси Суди конститутсионӣ Каримзода К. иф­титоҳ на­муда қайд карданд, ки рӯзи 21 декабри соли 2021 паёми навбатии Президенти Ҷумҳурии Тоҷикистон муҳтарам Эмомалӣ Рањмон ба Маљлиси Олии Ҷум­ҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ”, ки њамасола онро зиёиёну хиз­матчиёни давлатї, та­бақаҳо ва намояндагони касбу кори гуногуни ҷомеаи Тоҷикистон бесаб­рона интизорӣ мекашанд, доир гардид.

Чунин таваҷҷӯњ ба паёми роҳбари давлат бесабаб нест. Он аз як тараф, агар аз аҳамияти хоса касб намудани паём ҳамчун ҳуҷҷати му­ҳими барномавӣ, сиёсию ҳуқуқӣ, иқтисодию ичтимоӣ ва фарњангӣ ша­ҳодат диҳад, аз ҷониби дигар он  ифодакунандаи нуқтаи на­зари роҳ­бари давлат ва Ҳукумати Ҷумҳурии Тоҷикистон ба рушди самтҳои стратегии дав­лат дар ояндаи наздику дур арз­ёбӣ ме­гардад.

Паём бо диди масъалаҳо, таҳлил ва тартиби гузориш, таҳлилу пеш­гўиҳои рушди иқтисодию иҷтимоии мамлакат, барнома ё дурнамои му­каммали фаъолияти давлатро дар давраи кутоҳмуддат ва оянда ме­монад ва он бо назардошти муайян кардани самтҳои фаъолияти соҳаҳои иқ­тисодиву иҷтимоии мамлакат, азму талош барои муҳайё сохтани ша­роити зиндагии шоиста ба ҳар як сокини мамлакат, ҳалли саривақтии масъ­а­лаҳои вобаста ба таъмини нишондиҳандаҳои дурнамо ва таъкиди аф­залиятҳо пешниҳод мегардад.

Ҳамчунин, паём дар соли ҷашнгирии чорабинии муњими сиёсию дав­­латӣ – 30 солагии Истиқлолияти дав­­латии Ҷумҳурии Тоҷикистон до­ир гардид, ки он новобаста аз нобасомониҳои солҳои аввали соҳибис­тиқ­лолӣ дар таърихи  ташаккули давлати миллӣ, халқ ва миллати тоҷик, фарҳанги давлатдорӣ, фарҳанги сиёсӣ, ташакули сифатан нави андешаи миллӣ, ҳувияти миллӣ ва худшиносиву худогоҳӣ нақши мондагори худро бо­қӣ гузошт.

 Аз ин рӯ, табиист, ки паём ҳамчун ҳуҷҷати барномавии давлатӣ, ки сиёсати пешгирифтаи давлат ва Ҳукумати мамлакат бори нахуст дар он иф­шо мегардад, аз маркази диққати аҳолии мамлакат дур буда на­ме­та­вонад.

Масъалаи муҳиме, ки пайваста дар маърӯзаҳо ва паёмҳои  Пре­зи­денти Ҷумҳурии Тоҷикистон ба Маљлиси Олии Ҷумҳурии Тоҷикистон са­до медиҳанд ва роҳбари  давлат нисбати он бо як эҳтироми хоса ва беан­доза ҳарф мезанад ва нақши онро пайваста дар таърихи навини дав­лат­дориамон ва бунёди давлати миллӣ ва дастовардҳои халқу мил­ла­та­мон  таъкид менамояд, Конститутсияи Ҷумҳурии Тоҷикистон мебо­шад.

 Ин бори дигар аз садоқати  Пешвои миллат ба ин санади тақ­ди­рсо­зи  давлат ва мил­лат гувоҳӣ дода, эҳтиром ва арҷгузории роҳбари дав­лат ба Кон­ститутсия барои роҳбарону  шахсони мансабдори мақо­моти дав­латӣ, таш­ки­лоту муассисаҳо, хизматчиёни давлатӣ ва ҳар фарди мам­лакат намунаи ибрат ба шумор меравад.

Зикр карда шуд, ки Пешвои миллат дар паёми худ перомуни файзу баракати Истиқлолияти давлатӣ ҳарф зада, бо қаноатмандӣ зикр намуданд, ки тамоми дастовардҳои даврони соҳибистиқлолӣ  маҳз ба ша­рофати  заҳмати содиқонаи халқи азизи Тоҷикистон  ва дастгириву пушти­бонии хурду бузурги кишвар аз сиёсати пешгирифтаи роҳбарияти давлату ҳукумат ба даст омадааст. Дар ин давра мушкилоти зиёди иқтисодию иҷтимоӣ бартараф гардида, як кишвари орому босубот ва рӯ ба тараққӣ бун­ёд гардид.

 Ҷамшедзода Ҷ.Н. судяи Суди конститутсионӣ паёми нав­батии Асос­гузори сулҳу ваҳ­дати миллӣ – Пешвои миллат, Президенти Ҷумҳурии Тоҷикистон муҳ­тарам Эмомалӣ Раҳмонро ба таври муфассал шарҳу тавзеҳ дода, зикр намуданд, ки Пешвои миллат  дар паём нақши бону­вону за­нонро  дар бунёди ҷомеаи демократӣ ва дунявӣ хеле бузург арзёбӣ намуда, хотирнишон сохтанд, ки имрӯз дар кишвар  соҳае нест, ки занону бонувони тоҷик дар он фаъолияти пурсамар надошта бошанд. Ҳатто дар мақомоти ҳифзи ҳуқуқ  ва Қувваҳои мусаллаҳи кишвар софдилонаву соди­қона ва мар­донавор хизмат кардани занону бонувони матиниродаи то­ҷикро мах­сус зикр намуданд.

Мазмуну муҳтавои паёми Пешвои миллат ба парлумони кишвар, ки бањри амалисозии ҳадафҳои созандаи давлату Ҳукумат, ҳифзи суботу оро­мӣ, ваҳдати миллӣ, таҳкими арзишҳои демократӣ, рушди муназзами со­њањои сиёсию ҳуқуқӣ, иқтисодиву иҷтимоии ҷомеа, иҷрои барномаву стра­тегияҳои мухталиф, амалишавии бомароми ҳадафҳои конститутсионии дав­лати иҷтимоӣ,  инчунин таҳкими муносибатҳои байналмилалии киш­вар, фаҳмонда шуд.

Дар хусуси рушди муназзами соњаи иқтисодии мамлакат ва аф­зудани маҷмӯи маҳсулоти дохилӣ ибрози андеша карда шуда, қайд гардид, ки рушди соҳаи иқтисодии мамлакат зери таваҷҷуҳи доимии Роҳбарияти олии сиёсии кишвар қарор доранд.

Ҳамчунин, қайд карда шуд, ки бинобар аҳаммияти бузурги соҳаи саноат дар рушди минбаъдаи мамлакат, ҳалли масъалаҳои иҷтимоиву иқтисодӣ ва таъмин намудани иҷрои ҳадафҳои стратегии миллӣ, аз ҷумла раванди саноатикунонии босуръати кишвар, солҳои 2022–2026, яъне то ҷашни 35-солагии Истиқлолияти давлатии Тоҷикистон «Солҳои рушди саноат» эълон гардид.

Баъдан, судя Қувватзода Ф.Ҷ. доир ба паҳлуҳои рушди соҳаи маориф ва тандурустӣ сухан карда, корҳои дар ин самт дар давраи 30-соли Истиқлолияти давлатӣ ба анҷомрасида, ки аз хизматҳои шоёни Пешвои миллат муҳтарам Эмо­малӣ Раҳ­мон бар меоянд, таъкид намуд.

Қайд карда шуд, ки ҷиҳати рушди соҳаҳои илму маориф, тандурустӣ ва ҳифзи иҷтимоии аҳолӣ дар ин муддат аз ҳисоби ҳамаи сарчашмаҳои маблағгузории буҷети давлатӣ зиёда аз 97 миллиард сомонӣ равона гардид.

Дар 30 соли Иистиқлолияти давлатӣ 3240 муассисаи нави таълимӣ барои 1 миллиону 400 ҳазор хонанда сохта, ба истифода дода шуд.

Ҳоло шумораи умумии хонандагони муассисаҳои таҳсилоти миёнаи умумии кишвар ба 2 миллиону 200 ҳазор нафар расидааст.

Дар замони соҳибистиқлолӣ дар кишвар 173 муассисаи таълимии типи нав – литсей, гимназия, мактаби президентӣ, мактаби байналмилалӣ ва муассисаҳои таълимӣ барои хонандагони болаёқат, инчунин, 196 муассисаи таҳсилоти томактабӣ ва умумии хусусӣ бунёд гардида, ба истифода дода шуданд.

Рушди соҳаи тандурустӣ ва ҳифзи солимии аҳолӣ яке аз бахшҳои муҳим мебошад. Дар ин давра 2723 иншооти соҳаи тандурустӣ, аз ҷумла 1546 иншоот ба маблағи 3,5 миллиард сомонӣ аз ҳисоби буҷети давлат бунёд ва мавриди истифода қарор дода шуд.

         Дастовардҳои 30 соли Истиқлолияти давлатӣ назаррас арёбӣ гардида, онҳо ҳамаи соҳаҳои хоҷагии халқи мамлакатро дар бар мегиранд ва барои некӯ­аҳволии халқи Тоҷикистон шароити заруриро фароҳам оварда исто­даанд.