ИШТИРОКИ НАМОЯНДАИ СУДИ КОНСТИТУТИСОНӢ ДАР СИМПОЗИУМИ БАЙНАЛМИЛАЛӢ

25 то 28 апрели соли 2022 ёрдамчии муовини Раиси Суди консти­тутсионӣ Вализода Ш.О. дар шаҳри Анқараи Ҷумҳурии Туркия дар симпозиуми байналмилалӣ дар мавзўи «Тафсири конститутсия дар иртибот ба ҳифзи ҳуқуқу озодиҳои асосии инсон» бахшида ба 60 – умин солгарди таъсисёбии Суди конститутсионии Ҷумҳурии Туркия, иштирок ва дар мавзўи «Нақши Суди конститутсионӣ дар ҳифзи арзишҳои конститутсионӣ» баромад намуд.

Дар кори ин чорабинии сатҳи байналмилалӣ, ки бо ташаб­буси Суди конститутсионии Ҷумҳурии Туркия доир гардид, намоян­дагони мақомоти назо­рати консти­­тут­­сионии киш­вар­ҳои мухталифи ҷаҳон ва созмон­ҳои бону­фузи бай­нал­ми­лалӣ, аз қабили Индонезия, Ўзбекистон, Шоҳигарии Таиланд, Филиппин, Муғулистон, Кореяи Ҷанубӣ, Озорбойҷон, Комис­сияи Венет­сияи Шўрои Аврупо, намояндагони ҳокимияти судии Туркия, олимони соҳаи ҳуқуқ ва дигарон иштирок намуданд.

Кори симпозиум бо иштирок ва сухани ифтитоҳии Президенти Ҷумҳурии Туркия оғоз гардид.

Зимни суханрониҳо мавзўҳои мухта­лифи марбут ба конститутсиона­лизм, нақши Суди конститут­сионӣ дар таъмини волоияти Конститутсия, ҳимояи ҳуқуқҳои конститут­сионии инсон ва шаҳрванд, нақши адолати судии консти­тут­сионӣ дар амали­шавии арзишҳои конститутсионӣ, принсипи таҷ­зияи ҳокимияти давлатӣ, таҳкими демократия, таҷрибаи назорати судии консти­тут­сио­нӣ дар давлатҳои мухталиф ва дигар мавзўҳои мубрами соҳаи ҳуқуқ мавриди муҳо­кимаҳои доманадор қарор дода шуданд.

Чорабинии байналмилалӣ умуман дар сатҳи омодагии хуб доир гардида, барои муаррифӣ намудани таҷрибаи назорати судии конститутсио­нии Ҷумҳу­рии Тоҷикистон ҳамчун падидаи муҳимми демократӣ, инчунин рушди муносибат­ҳои байналмилалии Суди конститутсионии Ҷумҳурии Тоҷикистон бо мақомоти ҳамшабеҳи давлатҳои хориҷӣ заминаи мусоид фаро­њам меорад.